「明明佢係白羊座，平時好主動，點解一拍拖就變到好似一嚿木咁？」好多女仔占卜嗰陣都會問夜翼呢個問題。
其實，你平時睇緊嘅係佢嘅「太陽星座」（即係表層性格），但真正在星盤中主管愛情觀、吸引力、甚至戀愛防禦機制嘅，係隱藏喺底層嘅「金星星座」。
「要看透一個人是否真心，別看他的太陽，要看他的金星。金星決定了他願意為愛退讓的底線。」
拆解 12 星座的戀愛底牌
金星落在火象 (白羊、獅子、人馬)
愛得轟烈，去得亦快。金星火象嘅人追求激情同征服感。當佢鍾意你，會全世界都知，亦會主動出擊；但當關係變得平淡無味，或者佢覺得你已經完全被「食住」，佢哋嘅熱情就會迅速冷卻。
- 防禦機制： 逃避平淡。
- 破局秘訣： 要綁住佢哋，你必須保持神秘感同挑戰性，絕對唔可以千依百順。
金星落在土象 (金牛、處女、山羊)
如果佢嘅金星係土象，你唔好旨意佢會每日同你講「我愛你」。佢哋嘅愛係極度現實同物質嘅。佢會為你計劃未來、幫你買保險、為你解決生活上嘅麻煩。
- 防禦機制： 變得冷漠同封閉。
- 破局秘訣： 如果你逼佢講甜言蜜語，或者要求唔切實際嘅浪漫，只會將佢推開。學識欣賞佢哋「用行動代替說話」嘅愛。
金星落在風象 (雙子、天秤、水瓶)
呢一類人追求嘅係「靈魂伴侶」，即係要同佢有傾唔完嘅計。佢哋最怕沉重嘅愛同情緒勒索。如果佢突然對你忽冷忽熱，通常係因為佢覺得你畀嘅壓力太大，破壞咗佢追求嘅「輕鬆戀愛感」。
- 防禦機制： 玩失蹤、冷暴力。
- 破局秘訣： 畀足夠嘅空間佢，同佢做朋友先，再做情人。
金星落在水象 (巨蟹、天蠍、雙魚)
情感極度豐富，同時極度缺乏安全感。金星水象嘅人愛上一個人，會想24小時同你黐埋一齊，甚至會有極強嘅佔有慾同猜忌心。
- 防禦機制： 縮入自己嘅保護殼，甚至講反話刺傷你。
- 破局秘訣： 佢哋嘅忽冷忽熱，通常係因為喺某個細節上覺得「你唔夠愛佢」。你需要用極大嘅耐性同肯定去融化佢哋。
點樣知道佢對你係咪認真？
要知道一個人嘅真實心態，單睇星座未必夠準確，因為每個人嘅成長背景都會為感情加上重重枷鎖。如果你想知道佢此刻心入面到底諗緊咩、你哋之間仲有冇彎轉，塔羅牌可以幫你撕開所有表面嘅偽裝。